أمي ـ سيد الحلواني

 أمي

يانبع مليان حنيه

ياحنينه يامه عليٓ

ياحنينه ولمسة أيدك

بتسهل الصعب عليٓ

محتاج لحضنك وحنانك

أصل حنانك شئ تاني

مشتاق لأجمل ايامك

ده العمر من غيرك فاني

بتدى من غير مابتاخدى

ف غيابي عنك تتاخدى

ياشايله همي ولا بتهدى

غير ماتشوفيني أدامك

طالب رضاكي ودعواتك

مع إني سامعه ف صلواتك

أصل الذنوب كترت يامه

ياريتني اكون لك خدامك

حضنك ينسيني همومي

رغم إني تاعبك من يومي

وان ضاقت الدنيا عليٓ

بتمسحي عني همومي

بعشق كلامك وسلامك

بإيديكي تاخدى وتضمي

أنا قلت إيه يوفي حنانك !!

مالقيتش غير عمرى ياأمي

سيد الحلواني