أمي الصغيرة ـ رضا محمد
أمي الصغيرة
واختي الكبيرة كمان
يا نبع حنان
يا بستان
حضنك دفا وأمان
خديني ضميني
محتاجة يا أمي
ضمي قوي ضمي
انت الكرم والجود
علمتيني ادي واجود
ولا انتظر حاجة
إلا من رب الوجود
ايديك كلها خير
بتعملي اجمل واحلى حاجه
يا ام الكرم والجود
من زمان كنت اتمنى اكون زيك
هيهات هيهات
دا انا نقطة في بحرك
ربنا يخليكي ليا
بفتكر وصية بابا لينا
نمسك في إيد بعضينا
يا أختي يا غاليه
يا مضللة عليا
فاردة جناحاتك
بتخافي عليا
وبتسالي عليا
على طول حاسة بيا
ماقدرش أوفيكي حقك
يا نور عنية
يا حنيينة عليا
اوعي تسيبي ايدك
بفتكر وصية بابا لينا
نمسك في إيد بعضينا
يا أختي يا غالية
حضنك دفا وأمان
يا مالية الدنيا عليا
بقلمي /. رضا محمد احمد عطوة
اضف تعليقاً عبر:
الابتسامات