بتوحشيني ـ محسن رجب
بتوحشيني
بقلم /محسن رجب جودة
بين السطور.. بتوحشيني
جوه الشعور.. بتوحشيني
لو غبتي ثانية عن عيوني
ألقى الحنين.. ليكي يناديني
يا نسمة طايرة في المدى
يا أحلى من قطر الندى
صوتك في قلبي لُه صدى
بِيصحّي أشواقي في عيني
بتوحشيني.. يا أغلى ناسي
يا حب عايش جوه راسي
من غير هواكي القلب قاسي
وقربك إنتي.. بيكفيني
وحشة غيابك.. نصل حامي
بِتْقِصّ خيط أحلى الأماني
والشوق في قلبي مش كلام
ده نار وبِتْحرقلي كَياني
يا ضي مالي دنيتي
يا أغلى غنوة في ضحكتي
لو يوم بتبعد خطوتي
ألقى طيوفك تحتويني
بنده عليكي في السكوت
والوقت من غيرك يفوت
كأني من بعدك بموت
وشوقي ليكي بِيحييني
أنت أجمل م الجمال
بعدي عنك شيءمحال
يا ورد نابت في الخيال
يا حلم أبعد من المحال
سألت عنك كل حال
ومين في بُعدك يداويني؟
رسمت وجهك ع القمر
وكتبت اسمك ع الشجر
يا أغلى من كل البشر
حبك ده مكتوب فوق جبيني
ختمت باسمك كل قولي
يا أحلى فرحة في عمري طولي
لو مِتّ.. غَمّي وادفنوني
جواكي.. هناك.. حَـ تلاقيني
اضف تعليقاً عبر:
الابتسامات