انتظار ـ غادة أيوب

 انتظار

=====

بيت بضيعة بعيدة ...

شبابيكو ملونة ....

 وبالنور مضوّاية

 والياسمين معربش

 ع حيطانو عم 

يحكي أحلى حكاية 

وريحة خبز التنور

 لحالها ألف رواية 

عند النبعة 

وتحت شجرة التين 

ناطرة الحلواية

 الها كتير سنين

 عم تنطر حبيبا

 حامل الراية

 قلبها حزين ...

 بتغنّي دلعونا وميجانا 

حتّى تنسى الأنين

ناطرتو يقطفلا ...

 باقة ورد 

وزهور ربيع اللي 

عالحفافي متكّاية

صرلا سنين ناطرة الأسمر 

ما بتعرف ليش تأخّر 

قلبها داب ...

 من الشوق والسهر 

بس هي بتحبّو 

ولمّا تشوفو بتسكر

 وعندا أمل بربّنا 

أنّو يرجع بالأيام

 اللي جاية 

غادة أيوب _سورية