وشوشة الموج على الكورنيش ـ محمد عزالعرب
وشوشة الموج.. على الكورنيش"
يا مَسَا الشوق يا إسكندرية.. يا ضحكة فوق الشط
الموجة تِجري عِليّا.. والهمّ مـ القلبي نَطّ
قعدت وحيد فـ سهرتي.. قدام بحرك الحنون
لقيت في ميتك صورتي.. ولقيت لليلي عيون
كلام المسا يا بحر.. زي النِسمة الطرية
يِدَوّب في قلبي السحر.. بـ نبرة إسكندرانية
تقوللي الموجة: "يا واد إهدا".. وبلاش تفكر كتير
الدنيا ساعة ورِدّة.. والرزق لسه بِيِطير
يا محلا "الدرة" المَشوي.. وريحة "السمين" و"الفول"
والقلب لِيكي بِيِغوي.. ومحتاج سنين عشان يقول
يا ليل "الرمل" و "بحري".. ويا سهرة "المنشية"
فيكي حكاوي بـ تجري.. مـ الغِربة للِحنية
يا إسكندرية يا عِشق.. مكتوب بـ مية الذهب
يا مِجمّعة كل الخَلْق.. يا مِطفيّة نار اللهب
كلام المسا ع الشط.. طَعمه "جِلاتي" وسُكر
يخلي الحزن يِنحط.. ويِخلّي العقل يِفكر
كلمات الشاعر:
السيد محمد عز العرب خليفة
مصر
اضف تعليقاً عبر:
الابتسامات