لو كنت تقلت - أشرف عيسى
لوكنت تقلت..
لوكنت تقلت عليها يمكن كانت تتغير..
وتحس بنار في فؤادها وتتحير.
بس أنا دبت في هواها وعقلي بيها أدير.
علشان كدا زهدت فيا وخلتني قدام نفسي صغير.
لوكنت شغلت في يوم بالها وخلتها تشك وعلي بعينها تدور.
ولما ماتلاقينيش تحس بنار في قلبها وجسمها يبرد ووشها يتغير.
لكني كنت خاتم في ايديها تلفه يمين وشمال تلاقيه لين على مقاس صابعها الصغير.
ومهاود وعمر حبه ليها مايتغير.
علشان كدا رمتني من قلبها وقالتلي حبك حمل عليا والمسافة طويلة وأنا نفسي قصير.
وهي دي كل الحكاية اوعى تحب إللي حب بس حبك ليه نصيحة من قلب انجرح واتحير...
أشرف
محمودعيسى
اضف تعليقاً عبر:
الابتسامات