أعقل جنون - رحاب طلعت
أَعقَـــل جنـــــــــــــــون !!!
ـــــــــــــــــــــــــــــــــــــــــــ
إنه يختصِّك بنظرة...
وسط لمة حلوة ف أسرة
وانتى واقفة شاردة ساكتة
جسم حاضر، روح مسافرة
عمالة تتظاهرى بسلامك
بتدارى وبتخفِى ابتسامك
عاملة مش شايفة أمامك
بس قلبك كان بيرقص....
كل اللي حولِك ضيوفك
وانتى من حرصك وخوفك
حبة تتلهِّي فى ضوافرك
حبة تنشغلى بشعرك
النظرات دايرة تلاحقك
المكان ضاق من كسوفك
والحنين مش راضى يخلَص ....
عينيكى زايغة وفي المكان
خايفة مستخبي يبان
واللي مكتوب جوَّه قلبك
تظهره نظرة حنان......
شايفة كل الناس عينيه
تهربى منه إليه ....
والضجيج أصبح فى لحظة
بالعبير ناعم وأملس .....
سـرقـة الأشـيـــاء حـرام
مسموحة بس و في الغرام
تسرق عيون ، تحضن غصون
خلّي الجنون، أعقَل جنون
إقـلب الـمـوازين وكون
عكس كل قانون.. قانون
يصبح سواد الليل يكون
عز ضلمة،، نهار بِيشمس!!!!
رحاب طلعت شلبي
اضف تعليقاً عبر:
الابتسامات