مش مجرد ارتباط ـ عبدالمنعم مرعي
.............................
ارتباطي باأمي
كان ارتباط وثيق
مش مجرد حبل سري وخيط
اتقطع ساعة الولادة بعياط وسويط
أمي كانت زي نسمة تسعد كل نبتت
زرع في كل زلعة سطح وغيط
أمي لما كانت تضحك لعندها شمس النهار
تيجي تهتز شقه علينا شبابيك الحيط
لجل توصل لنا علينا تصبح و تطل
في عز الشتاء والبرد
تدفي بضحكتها جدار كل بيت
عبيرها يعطر زي المطر ورد ينقي الروح
وتقف برقة قلبها الطيب تصد عني البرق
تحميني من أي لفحة ريح
تحاول تقرب مني اوتخليني لفراش المرض طريح
في الليل كانت سكن لقلبي وكان عليها ديما يجي يتركن
كانت تقولي ديما أنت أبني حبيبي ابن أمك صحيح
طول عمرك يابن قلبي فصيح
زي ديك البرابر اللي فوق السطح
كبر وهو طول الوقت عمال يصيح
نفسي يابني أنت كمان تكبر بسرعة
وأملي عيني منك وأشوفك أحسن واحد في الدنيا
يانبع قلبي ينور الروح روح يابن روحي
ربي يسعدك ويوقفلك ولاد الحلال في كل مكان
ومنين ماتروح
ويجعل طريقك سالك كله أمان
ويكفيك يابني شر الناس والزمان والعين
لصفا نيتك ونقاء الروح
وفي عين عدوينك عود ريحان
وينصرك على كل من يعاديك وتعلا وتعلا كمان وكمان
لأعلى المناصب ومافيش حد يحاجيك
وتعلى بيك مناصب وصروح
أمي الروح الحلوة الخفيفة اللي ياما شافت
كتير أحزان من أيام ماضينا اللي كان
ملحقتش تفرح بيه ولاتشوف فرح
زي مايكون مش مكتوب لها تحصد
في يوم من عمرها ثمرة خيرها والطرح
كانت مستعجلة بتلم في حالها وعينيها
يتغزل في ضيها النور
طب ليه يا غاليه مستعجلة تعدي بحور
وتكسري قلبي البنور
اللي ماصدق يشوف بعينك ضي
كان لسه بدري على فرقنا اللي فتح
في القلب ألف جرح وجرح
ولا أنت قبل ماتمشي كان نفسك
تشوفيني في يوم موجوع بصراحه أنا من الوجع
قلبي الضعيف من الحقيقة المرة
اللي مافيش فيها أبدا كدب بات مفجوع
حقيقه صادمة مابعدهاش ياغالية رجوع
وقلبي الضعيف من
حصرتة بقا مليان بالدموع
بقلم عبد المنعم مرعي
اضف تعليقاً عبر:
الابتسامات