جانا العيد - أيمن رمضان
هو العيد جه اصل
انا ما شوفتوش ولا
زارنيش ولا زورتوش
جه العيد او مجاش
ادينا قاعدين واكلين
نايمين راضيين حمدين
مش فارقه كتير
ناس كتير مش حاسه
بعيد اصل العيد فرحه
وتيجي منين الفرحه
والناس مهمومه اصل
الفرحه مصدومه وتقيله
ع المعده ومش مهضومه
والناس عايشه في سكره
تعمل ايه الفرحه في قلوب
معدومه وروح مكلومه
كلمة فرحه اصلا مش
مفهومه دي الفرحه
زهقت مننا وزهقت من
نفسهاورمت نفسهابولادها
في النيل والضحكه هيا
كمان شنقت نفسها بمنديل
واللي يقولوا عليها كافره
واللي يقولو عليها مجنونه
تعمل ايه وهيا من يوم
اتولدت مهمومه ومديونه
سبطر عليها اليأس وعتمه
مشؤمه كانت عليها اقساط
ومفرومه طول عمرها في
خلاط وريحة البارود من
حولها سده انفها في فلسطين
واليمن ولبنان والسودان وايران
وهيا في مصر مش عارفه تأكل
نفسها ولا لاقيه حد جنبها ولا
شايفه حد يمسح دمعهامن
علي خدها فقالت تخلص من
نفسها وكان في نفسها تعيش
زيك زيها فقالت تقابل ربها
عاشت حزينه وماتت حزينه
بقلم ايمن رمضان ابو حامد
اضف تعليقاً عبر:
الابتسامات