ملاح في بحر الخوف ـ جرجس فرنسيس
نجوم الليل واخداني معاها..في ليل متوهني ف سواد الليل
وقلبي عليل ماهوش قادر..يسايرني علي الاحزان في ايامي
واحلامي تراودني اكون ملاح..في بحر الشوق وانا مجدافي
انكسر في الموج
وبحري غريق ماهوش صافي..وعمري غريق ماهوش طافي
وشايل همي علي اكتافي
وغدر زماني نساني اكون قبطان.وامسك الدفة
واشق بحور الخوف.من الحافة الي الحافة
ومن ضفة الي ضفة
واكون صياد وبايديا اصيد جنية
اعاملها بحنية ..وابني لها قصر في المية
واغني لها الف اغنية
واكون رسام أرسم لها جنة
مع الاحلام تتهني
لكن احلامي ما يوم صابت..ولا خيبت ظني
وانا مشغول بهمومي
وليلي طويل ومش دافي..عن اللايمين مش خافي
لا انا بحار ولا ملاح ولا قبطان ولا صياد
ولا باصطاد في الميه..وهمومي دايما مآنساني
ولا اعرف اصطاد من البحر حتي سحليه
بقلم/جرجس فرنسيس
اضف تعليقاً عبر:
الابتسامات