صياد - شريف شحاته
صياد
بقلم شريف شحاته مصر
صياد ورمى السنارة قام صادنى برمش عينيه
ووقعت يا ألف خسارة على قلبى يا عينى عليه
صياد ورمى السنارة
من يوم ما عينيه شبكونى وأنا تايه ليل ونهار
والحيرة بقت فى عيونى حيران بين جنة ونار
مش قادر أبعد عنه ولا عن سحره وجماله
ولا عارف أهرب منه من قلبه وحسن دلاله
طول يومى أفكر فيه أحلم بجمال لياليه
أهمس له بألف عبارة صياد ورمى السنارة
من شوقى إليك يا حياتي مش قادر أفوت سنارتك
ورميت من بالى الآتى خايف هجرك وخسارتك
نفسى فى مرة تصدقنى وتصدق طول حلفانى
ليه بس كدة تشوقنى وتداوم على حرمانى
وتغيب وتمر شهور والفكر فى عقلى يدور
والروح وياك محتارة صياد ورمى السنارة
يا صايد قلبى بحنانك وجمالك أثر فيا
إمتى حتهجر حرمانك دى القسوة كتيرة عليا
وتحافظ بقى على قلبى وتنسى إنك صياد
وأشوفك دايما جنبى مع بعض نطوف فى بلاد
تفرح بيا وتسعدنى ما تغيب مرة وتبعدنى
وعزول يشمت مع جارة صياد ورمى السنارة
شعر غنائي
اضف تعليقاً عبر:
الابتسامات