الحياة كهف ـ أشرف حموده

 الحياه كهف

الشمس متردده تتطلع ولا ترجع

والفرحة مش مستحمله تقعد

بقينا لا بنشوف ولا بنسمع

الخوف مالى حياتنا 

عايشيين بناكل ونشرب

والامل كان ضيف ورحل

سجن كبير عايشين فيه

كل يوم زى اللى قبليه

الدنيا مش غداره ولا خاينه

عايشين في كهف ومش عارفين

احنا ولاد القاتل والمقتول

احنا اللى اغوانا الملعون

مفيش شر اتخلق ولا انزرع

فيه شر اتصنع من عقول البشر

كل واحد مريآته على هواه

شايف نفسه حلو مش شايف اللى جواه

شايف كل الناس خاينين وغدرين

لو كل واحد عرف حقيقته

وشاف نفسه فى مرياه غيره

كنا عرفنا إن الدنيا بخير خلناها كهف

ومش عارفين مين فينا ولاد القاتل

ومين ولاد القتيل

                      اشرف حموده