سلام يا صاحبي ـ هند أبو السعود
بقلم هند ابو السعود
سلام يا صاحبي من غير كلام
حتى لو جتلي في المنام
حتى لو طلعت شيطان.
اقرأ المعوذتين واصرفك ونام.
كنت فاكرك صاحبي.
طلعت فخ وقلبني.
كنت ستر وسند
طلعت بتسترني عشان تاكلني
هعلم عليك واعدي .
وعمل نايم ومش ها خطي
دنيا مقالب احنا بنتقالب.
حطيت الطوبة على الطوبه
وبنات صور بيني وبينك
مهما تعمل مش هتعدي.
دنا بنيته بيدي
وبناها جرحني.
و مزق قلبي.
قال كنت صاحبي.
دنتا بوشين ومعدي.
وشي معايا ملاك
ولا عشان مصلحتك بتعدي
خلاص وانا كمان هعدي
بنات الطوب بدمعي
عشان يبقى قوي ولا تعدي
وهحصنه تحصينه شديدة
لو جبت الف منجم مش هتعدي
يا عيني عامل مسكين.
وانت دايما ورا ظهرك سكين
مسنونة لكل اللي يعدي
بس انا هعمل حسابي وهخطي
هخلي خطايا واسعة.
لا تلحقني ولا تسبقني
هستعين بنجمين .
وحط المنقد وخطي
لو خدوا اللي قدام وهعدي .
قال كنت صاحبي
دا كان فخ بس هعدي
الحبيبي وقت الأزمات
ولما أمشي .
يقول اللي فات مات .
وانت تمام مت كمان.
سلام يا صاحبي.
بقلم هند أبو
السعود السيد سالم
المنوفيه
مصر
٢٠٢٥/١٢/١
اضف تعليقاً عبر:
الابتسامات