ليالي العيد ـ شريف شحاته
شعر غنائي
ليالى العيد
بقلم شريف شحاته مصر
هلت تانى ليالى العيد بهجة علينا وفرحة تزيد
نبدأ فيها ذكر وتكبير بعدين نفطر فيها ثريد
بس الفرحة ناقصها كتير غمة صابتنا بجرح جديد
غمة خراب أشلاء بتطير بدل الفرحة الهم شديد
فى العيد نسمع أخبار صعبة تجرح وبتألم فى قلوبنا
فين البهجة وفين الرغبة على أخواتنا الهم صايبنا
ونقفل شاشتنا من الرهبة أو من الحزن على حبايبنا
عايزين نفرح نسعد حبة والغمة بقى ترحل وتسيبنا
إزاى ناكل كلنا لحمة وجيران لينا يا خلق جعانة
راحت فين ياناس الرحمة خلق تجوع وناس شبعانة
وناس بتغنى كدة فى الزحمة وناس من القذف مش سامعانا
عايزين عيدنا يعود بالهمة وفرحة تعم اخواتنا معانا
بإذن الله الفرحة الجاية بدل العيد نسعد بعيدين
نصر كبير وكمان حرية مع اخواتنا نعيش فرحين
وهزيمة تصيب أعداءنا قوية ونعيش بدل النصر اتنين
صلوا العيد وادعوا معايا نصرة من رب العالمين
اضف تعليقاً عبر:
الابتسامات