النص ـ خالد محمد
النص
مرت سنتين علينا
من آخر لقاء لينا
يومها كانت آخر
نظرات لينا
وآخر سلام بإيدينا
ودعتك وودعتيني
بحزن فى قلوبنا
وبدمع فى عينينا
ليلتها القمر عنا غاب
والغيوم فى السما
طلت علينا
هو إنتي فاكرة السنين
قدرت تغير كل إللي بينا
ولا البعاد والمسافات
قدرت تنسينا
يومها خدت قصتنا وحبنا
وذكرياتنا معايا فى شنطة سفر
وبعدنا آه صحيح لكن
عشقك وحبك فى قلبي إتحفر
عدت سنين علي البعاد
وكل يوم كان سهد وسهر
أعد الليالي في غربتي
واستعد لرجوعي
تاني بشنطة سفر
خالد محمد محمد ابراهيم . مصر
اضف تعليقاً عبر:
الابتسامات