الدنيا ليها أحوال- أشرف محمود عيسى

 الدنيا ليها أحوال.

الدنيا لها احوال بتلف بالناس حتة لفة.

بتخلي الواطي عالي وبالعكس سبحانه بيغير الأحوال بالمكر ساعة وساعة بالخفة...

تتحول البنت يتيمة الأبوين لبرنسيسة الكل يقف لها زنهار يتمنى منها بس لو تلف براسها لفة

  فهيمة بنت يتيمة صغيرة حلوة ودمها خفة. 

الكل طمعان فيها وهي عندها شرف وعفة.

داسوها الناس بظلمهم وحولوها لفوفه..  

الله يرحم أبوكي إللي عمره ماشاف اللحمة غير وهي بتتوزن للناس في الكفة..

وكان أشيك طقم عنده فلنة بلباسها البفته.

 وشال ملفوف على راسه حاطط عليه قفة.

وكان راس ماله جميز بيبيعه في نفس القفه.

دلوقتي شايفة نفسها وغيرت إسمها من فهيمة لفوفه..

بتشاور للناس من طراطيف صوابعها المدهونةمانيكير وتسلم ع الناس من طراطيف صوابعها وهي لابسة الحتة الزفرة

راكبة عربية موديلها مش عارف أقراه بس أكيد بفلوس كتير ومقضياها صياعة وبتدعي العفة

وإن جه حد يسلم عليها تتأفف وتقول سوفاج على ناس ريحتهم زفرة..

يرحم زمان كانت مدا ايدها بالسؤال في كل ميتم وزفة.

سبحان المعز المذل فستان وشنطة كلاس بدل الطرحة والقفة..

أشرف محمود عيسى